Mentor Influencer GEO

ADI დაფუძნებულია თბილისში 2018 წელს, რაც თავდაპირველად ადგილობრივი ინიციატივა იყო, რომელიც ერთ მნიშვნელოვან გამოწვევას უპასუხებდა — თანამედროვე, ციფრული უნარების მქონე პროფესიონალების ნაკლებობას.

დღეს ADI Georgia ერთ-ერთი ყველაზე ცნობადი ციფრული განათლების დაწესებულებაა ქვეყანაში — გამორჩეული პრაქტიკული მიდგომებით, პროფესიონალი მენტორებითა და კარიერაზე ორიენტირებული კურსებით. ჩვენ უკვე ათასობით ადამიანს მივეცით  მარკეტინგის, დიზაინის, ვებ დეველოპმენტის, ხელოვნური ინტელექტის თუ სხვა თანამედროვე მიმართულებების სწავლის შესაძლებლობა.

2023 წელს ADI დამეგობრდა კომპანია Tether-თან, რათა ჩვენი მისია გლობალურ მასშტაბებზე გასულიყო და უფრო მეტ ადამიანს ჰქონოდა პრაქტიკული, კარიერაზე ორიენტირებული განათლების მიღების პერსპექტივა.

ჩვენი ინდივიდუალური და მრავალმხრივი მიდგომა განათლებისადმი შლის დისციპლინებს შორის არსებულ ბარიერებს და ხელს უწყობს პროგრესული აზროვნების ჩამოყალიბებას.

ჩვენი უნიკალური საგანმანათლებლო სისტემა შედგება პრაქტიკოსი ექსპერტებისგან მსოფლიოს წამყვან ბრენდებში, პროდუქტებსა და ორგანიზაციებში მუშაობის გამოცდილებით, და მათი ინტენსიური სასწავლო პროგრამებისგან.

ვეძებთ მაღალკვალიფიციურ კონტენტ კრეატორს, ინფლუენსერს, რომელსაც აქვს ძლიერი ტექნიკური ცოდნა ვიდეოპროდუქციის, განათებისა და მონტაჟის მიმართულებით. კანდიდატს უნდა ჰქონდეს პრაქტიკული გამოცდილება როგორც პროფესიონალურ ტექნიკასთან, ასევე მობილურზე მორგებულ მონტაჟის ინსტრუმენტებთან მუშაობაში.

ეს როლი იდეალურია იმ ადამიანისთვის, ვისაც აქვს მენტორობის სურვილი, მზად არის გაუზიაროს სხვებს რეალური გამოცდილება და მოტივირებულია, შთააგონოს და ჩამოაყალიბოს საქართველოში კონტენტ კრეატორების ახალი თაობა.

• სტუდენტებისთვის ვიდეოპროდუქციის ტექნიკური ასპექტების სწავლება, მათ შორის კამერის კონფიგურაცია, კადრის შერჩევა და კომპოზიცია;

• სტუდიური და ბუნებრივი განათების ტექნიკების სწავლება პროფესიონალური ხარისხის შედეგებისთვის;

• შესრულებული ვიდეო/კონტენტ პროექტების პორტფოლიო;

• საკუთარი ბლოგის, TikTok/Instagram არხის ან YouTube პლატფორმის მართვის გამოცდილება ჩაითვლება დიდ უპირატესობად

• მონტაჟის საფუძვლების გაცნობა როგორც ინდუსტრიის სტანდარტული პროგრამებით, ასევე მობილურზე მორგებული აპლიკაციებით;

• ადგილზე ვორქშოფების ჩატარება დეტალური სილაბუსის მიხედვით, პრაქტიკულ და პროექტზე დაფუძნებულ სწავლებაზე განსაკუთრებული აქცენტით;

• რეალური მაგალითებისა და ქეისების გაზიარება საკუთარი პროფესიული გამოცდილებიდან;

• კრეატიულობის წახალისება ტექნიკურ სიზუსტეზე აქცენტით;

• ჩართული, ინკლუზიური და პოზიტიური სასწავლო გარემოს შექმნა.