Կրտսեր հաշվապահ

ՔՈ ԴԵՐԸ

Եթե դու ունես հաշվապահական կրթություն և գիտելիքներ և արագ ես կողմնորոշվում հաշվետարության մեջ, ապա՝ Սմարթ ավանում գտնվող Հյուրանոցի և Այցելուների կենտրոնի կրտսեր հաշվապահի դերը հենց քեզ համար է։ Կրտսեր հաշվապահը պատասխանատու է լինելու Սմարթ ավանում գտնվող Հյուրանոցի և Այցելուների կենտրոնի ամենօրյա հաշվապահական գործառույթների իրականացման համար, այդ թվում՝ հաշիվների դուրսգրում, ապրանքային շարժի վերահսկողություն։ Առավել մանրամասն․

ՊԱՐՏԱԿԱՆՈՒԹՅՈՒՆՆԵՐ

• Ապրանքային շարժի վերահսկում և ձևակերպում առևտրային iiko ծրագրում, այդ թվում` ապրանքանյութական արժեքների հաշվառման իրականացում, ստացված հաշիվների ստուգում, մուտքագրում, ելքագրում և այլն,
• Հաշիվների դուրս գրում և ձևակերպում ՀԾ-Հաշվապահ ծրագրում,
• ՀԴՄ վաճառների և վերադարձի կտրոնների վերահսկում և ձևակերպում ՀԾ-Հաշվապահ ծրագրում,
• Գույքագրված ապրանքանյութական արժեքների մնացորդների համեմատում և անհրաժեշտության դեպքում մասնակցություն գույքագրման պրոցեսին,
•  Գույքագրման ժամանակ կամ ըստ անհրաժեշտության  ապրանքանյութական արժեքների ժամկետայնության, QR-կոդերի, գնապիտակների ճշտության  և առկայության ստուգում, 
• Ստացված ապրանքանյութական արժեքների հաշվարկային փաստաթղթերի առկայության և ճշտության վերահսկում,
• Գլխավոր հաշվապահի կողմից այլ հանձնարարությունների իրականացում:

ՔՈ ԹԻՄԸ

Ստանձնելով Սմարթ ավանում գտնվող Հյուրանոցի և Այցելուների կենտրոնի կրտսեր հաշվապահի դերը՝ դու կմիանաս ՔՈԱՖ հաշվապահական թիմին և կաշխատես Գլխավոր հաշվապահի անմիջական ղեկավարությամբ։ 

ԴՈՒ

Սպասելով քեզանից ավելին՝ մենք ակնկալում ենք, որ․

ԴՈՒ ՏԻՐԱՊԵՏԵՍ

• ՀԾ-Հաշվապահ ծրագրին։
• iiko ծրագրին
• Ռուսերեն և անգլերեն լեզուներին։
• MS Office  և taxservice.am համակարգերին
• Հարկային օրենսդրությանը և ոլորտին առնչվող այլ իրավական ակտերին՜ որպես առավելություն։ 

ԴՈՒ ԿԱՐՈՂԱՆԱՍ 

• Ցանկացած իրավիճակում արագ կողմնորոշվել և համապատասխան որոշումներ կայացնել
• Պարտականությունները ժամանակին և պատասխանատվությամբ կատարել
• Գործընկերների  հետ արդյունավետ համագործակցել և հաղորդակցվել

ԴՈՒ ԼԻՆԵՍ

• Մանրուքների նկատմամբ ուշադիր։
• Պատրաստ մասնագիտական զարգացման:
• Պարտաճանաչ և արագաշարժ։

ՄԵՆՔ

«Հայաստանի մանուկներ» բարեգործական հիմնադրամը (ՔՈԱՖ) բարեգործական կազմակերպություն է, որի նպատակն է բարձրացնել Հայաստանի գյուղաբնակների կյանքի որակը համայնքային զարգացման երեխայակենտրոն ծրագրերի միջոցով: ՔՈԱՖ-ի զարգացման թիրախային ոլորտներն են կրթությունը, առողջապահությունը, երեխայի և ընտանիքի աջակցության ծառայությունները, ինչպես նաև սոցիալական և տնտեսական զարգացումը: ՔՈԱՖ-ը մեկնարկել է իր ծրագրերը 2004թ.-ին՝ սկսելով մեկ գյուղից և ընդլայնվելով դեպի 82 համայնք՝ ներդնելով ավելի քան 70 մլն ԱՄՆ դոլար՝ համայնքային ենթակառուցվածքների և զարգացման ծրագրերի մեջ, իր թիրախում ունենալով 107,000-ից ավել գյուղաբնակ շահառու:

2015թ. սկսած՝ ՔՈԱՖ-ը մշակել և իրագործում է ՍՄԱՐԹ նախաձեռնությունը: ՍՄԱՐԹ-ը կրթության միջոցով առաջխաղացում է ապահովում գյուղական աշխարհի համար, ինչի արդյունքում շահում են անհատները, հասարակությունը և միջավայրը: Որպես զարգացման օրինակելի մոդել՝ ՍՄԱՐԹ-ն այժմ տարածվում է Հայաստանի այլ մարզերում և համայնքներում:

ՔՈԱՖ ՍՄԱՐԹ առաջին կենտրոնը տեղակայված է Լոռու մարզի Դեբետ գյուղում. բացումը կայացել 2018 թ. մայիսի 27-ին։

ՍՊԱՍՈՒՄ ԵՆՔ ՔԵԶ

Վերջնաժամկետը՝ 2026թ․ սեպտեմբերի 06-ի օրվա ավարտն է։

Կազմակերպությունն ամենօրյա հաճախականությամբ հետևում է հայտերին ու գնահատում դրանք, ինչի արդյունքում կազմակերպվում են ընթացիկ հարցազրույցներ։ Ուստի աշխատակցի ընտրությունը կարող է կատարվել հընթացս։