Viðskiptastjóri

Ert þú að ljúka námi eða nýlega komin/n inn á vinnumarkað með brennandi áhuga á sölu og markaðsmálum? Líkar þér vel við að vera í samskiptum við fólk, ert hugmyndaríkur/hugmyndarík og vilt vinna þar sem þitt framlag skiptir máli? Þá viljum við heyra í þér.

 
Meniga leitar að jákvæðum og drífandi Viðskiptastjóra sem tekur virkan þátt í samskiptum við samstarfsfyrirtæki í tengslum við fríðindakerfi og Markaðsvakt Meniga, þjónustar notendur Meniga.is og tekur þátt í fjölbreyttum verkefnum hér á landi. Tilvalið fyrir einstakling sem vill vaxa í starfi og fá traust til að bera ábyrgð á eigin verkefnum.

Hvað felst í starfinu?

• Sala og ráðgjöf til íslenskra fyrirtækja — allt frá litlum sérverslunum til stærstu fyrirtækja landsins
• Uppbygging og umsjón viðskiptatengsla
• Þátttaka í þróun markaðsgreininga og túlkun á gögnum
• Aðstoð við hugmyndavinnu og undirbúning kynningarefnis
• Samskipti og þjónusta við notendur Meniga samfélagsins

Hverju erum við að leita að?

• Háskólanám sem nýtist í starfi
• Reynsla af sölu- og/eða markaðsstarfi er kostur
• Þekking á íslenskum einstaklingsmarkaði (B2C) er kostur
• Áhugi á markaðsgreiningum og gögnum
• Metnaður, frumkvæði og sjálfstæð vinnubrögð
• Framúrskarandi samskiptahæfileikar og jákvæðni
• Mjög gott vald á íslensku og ensku

Hvað bjóðum við upp á?

• Líflegan og skemmtilegan vinnustað
• Alþjóðlegt og tæknidrifið starfsumhverfi
• Sveigjanlegan vinnutíma
• Frábært mötuneyti
• Íþróttastyrk
• Farsímastyrk
• Áskrift að síma og interneti
• Tækifæri til að byggja upp öflugt tengslanet í íslensku atvinnulífi

Um er að ræða fullt stöðugildi á skrifstofu Meniga í Turninum í Kópavogi. Meniga er gagnadrifið fjártæknifyrirtæki sem sérhæfir sig í heimilisbókhaldslausnum og persónumiðuðum, stafrænum vörum fyrir banka. Meniga er einnig með skrifstofur í London og Varsjá og hjá fyrirtækinu starfar fjölbreyttur hópur fólks með ólíkan bakgrunn. Viðskiptastjóri starfar í fámennu en samhentu og öflugu teymi þar sem áhersla er lögð á jákvæðni og lausnamiðað hugarfar.

Umsóknarfrestur er til og með 10. júní. Allar umsóknir verða meðhöndlaðar sem trúnaðarmál og þeim svarað. Spurningar og umsóknir sendist á sonja.juliusdottir@meniga.com