Design Manager

Balfin Development, pjesë e Grupit BALFIN, është një nga kompanitë kryesore investuese në zhvillimin e projekteve në Shqipëri dhe rajonin e Ballkanit. Historia jonë e suksesit përfshin zhvillimin e disa prej projekteve më të mëdha në Shqipëri dhe ripërcaktimin e zhvillimit të luksit në të gjithë vendin dhe rajonin. Portofoli ynë përfshin projekte prestigjioze rezidenciale, turistike, industriale dhe komerciale, si Green Coast Resort & Residences, Vala Mar Residences, Rolling Hills Luxury Residences, etj. Balfin Development ka vendosur standardet e tregut duke përmirësuar ndjeshëm stilin e jetës në komunitet. Grupi BALFIN është një nga grupet e investimeve lider në rajonin e Ballkanit Perëndimor që mishëron standardet ndërkombëtare me ekspertizë vendase. I themeluar në vitin 1993 në Vjenë nga Samir Mane, sot Grupi është i pranishëm në 11 vende, Austri, Shqipëri, Kosovë, Bosnje dhe Hercegovinë, Maqedoninë e Veriut, Mal të Zi, Zvicër, Kroaci, Holandë, SHBA dhe Kanada. BALFIN, një grup i larmishëm, aktiv në pasuri të paluajtshme, shitje me shumicë dhe pakicë, sistemin bankar, menaxhim asetesh, turizëm, arsim dhe logjistikë, punëson rreth 5000 njerëz. Totali i Aseteve të Grupit (përfshirë institucionin financiar) është 2.2 miliardë euro, sipas të dhënave të vitit 2023. Pozicioni: Menaxher Projektimi Departamenti: Teknik Vendndodhja: Tiranë Përmbledhja e Pozicionit: Menaxheri i Projektimit drejton ekipin e Koordinatorëve të Projektimit brenda Departamentit Teknik dhe është përgjegjës për drejtimin dhe koordinimin e procesit të projektimit të projekteve të zhvillimit, nga faza e koncept-idesë deri në projektin e zbatimit dhe mbështetjen e fazës së realizimit. Siguron që procesi i projektimit të zhvillohet në përputhje me objektivat e projektit, afatet, buxhetet, kërkesat teknike, standardet e cilësisë dhe pritshmëritë e investitorit. Detyrat dhe Përgjegjësitë Kryesore: Drejton, mbikëqyr dhe motivon ekipin e Koordinatorëve të Projektimit; shpërndan detyrat, vendos objektiva të qarta performance, jep feedback të vazhdueshëm dhe mbështet zhvillimin profesional të stafit. Menaxhon dhe koordinon procesin e projektimit nga konceptimi deri në projektin e zbatimit, duke siguruar përmbushjen e kërkesave të projektit, afateve, buxheteve, standardeve të cilësisë dhe objektivave të investitorit. Drejton dhe mbikëqyr procesin e hartimit dhe administrimit të kontratave të shërbimit me kompani konsulence lokale dhe ndërkombëtare, përfshirë Termat e Referencës (ToR), skedulat dhe tabelat e dorëzimeve dhe dokumentacionin përkatës; kontribuon në vendimmarrjen lidhur me kontraktimin dhe performancën e konsulentëve. Bashkëpunon me Departamentin e Prokurimeve dhe Logjistikës në përgatitjen e dokumentacionit të tenderimit, vlerësimin teknik të ofertuesve dhe përzgjedhjen e projektuesve të jashtëm; mirëmban dhe përditëson listën e projektuesve të kontraktuar dhe potencialë. Mbikëqyr kontrollin e projekteve dhe dokumentacionit të dorëzuar nga projektuesit në përputhje me kontratat e shërbimit, ToR-të, specifikimet teknike dhe kërkesat e projektit; identifikon problematikat dhe propozon zgjidhje dhe optimizime për përmirësimin e cilësisë dhe zbatueshmërisë së projektit. Siguron respektimin e procedurave të kompanisë, kërkesave kontraktuale, legjislacionit në fuqi për planifikimin dhe zhvillimin e territorit, si dhe kushteve të planeve dhe lejeve të miratuara; mbikëqyr përgatitjen dhe plotësimin e dokumentacionit tekniko-ligjor për lejet e zhvillimit dhe/ose ndërtimit. Koordinon procesin e projektimit dhe zbatimit në bashkëpunim me Menaxherin e Projektit dhe Drejtuesin e Departamentit Teknik, projektuesit, zhvilluesit dhe ekipet e kantierit, duke siguruar përcjelljen dhe zbatimin e kërkesave dhe vendimeve të projektit, adresimin e problematikave teknike e arkitektonike, si dhe rishikimin dhe optimizimin e projekteve në përputhje me specifikimet, afatet, standardet e cilësise. Monitoron progresin dhe performancën e projekteve dhe ekipit, identifikon në kohë rreziqet, vonesat dhe problematikat, propozon masa korrigjuese dhe zgjidhje efektive, përgatit raporte periodike mbi ecurinë dhe objektivat, si dhe kontribuon në përmirësimin e vazhdueshëm të proceseve dhe procedurave të projektimit dhe koordinimit. Merr pjesë në takime me investitorët, projektuesit, konsulentët dhe palët e treta, siguron komunikim efektiv ndërmjet palëve dhe ndjek zbatimin e vendimeve të marra brenda afateve të përcaktuara. Kryen detyra të tjera të lidhura me funksionin, sipas nevojave të kompanisë dhe kërkesave të menaxhimit. Requirements Edukimi: Diplomë Master në Arkitekturë Kualifikime të tjera: Minimalisht 7 vite eksperiencë në fushën e projektimit e zbatimit dhe 3 vite në menaxhim e ekipeve. Aftësi të zhvilluara në menaxhimin e projekteve dhe koordinimin e projektuesve, konsulentëve, kontraktorëve dhe palëve të tjera të përfshira. Aftësi të forta në vendimmarrje, zgjidhjen e problematikave dhe menaxhimin e riskut, me fokus te zgjidhjet praktike. Aftësi shumë të mira komunikuese dhe organizative, me vëmendje ndaj detajeve dhe aftësi për të menaxhuar disa projekte e prioritete njëkohësisht. Aftësi kreative dhe teknike në projektim, me syrin kritik për detajet arkitektonike dhe rifiniturat, si nga këndvështrimi funksional ashtu edhe estetik. Eksperiencë në menaxhimin e konsulentëve dhe projektuesve të jashtëm, si dhe në koordinimin e disiplinave të ndryshme të projektimit. Njohje shumë e mirë e legjislacionit dhe kuadrit rregullator për planifikimin dhe zhvillimin e territorit. Njohje e mirë e proceseve të zhvillimit të projektit, dokumentacionit teknik dhe proceseve të lejeve të zhvillimit dhe ndërtimit Përdorim i detyrueshëm i AutoCAD, si dhe njohuri shumë të mira të MS Office, veçanërisht Word, Excel, PowerPoint, Outlook dhe MS Project. Njohja dhe përdorimi i BIM software, si Revit, Navisworks etj., përbën avantazh. Njohje shumë e mirë e gjuhës angleze, me aftësi të mira komunikimi me shkrim dhe me gojë. Afati i dorëzimit: 09/09/2026 Pas shqyrtimit, do kontaktohen vetem kandidaturat e perzgjedhura. *Të gjitha aplikimet do të trajtohen me konfidencialitet të plotë sipas ligjit Nr. 124/2024 vendosur nga Kuvendi i Shqipërisë për “Mbrojtjen e të Dhënave Personale”.