Reporting Specialist

Balfin Development, pjesë e Grupit BALFIN, është një nga kompanitë kryesore investuese në zhvillimin e projekteve në Shqipëri dhe rajonin e Ballkanit. Historia jonë e suksesit përfshin zhvillimin e disa prej projekteve më të mëdha në Shqipëri dhe ripërcaktimin e zhvillimit të luksit në të gjithë vendin dhe rajonin. Portofoli ynë përfshin projekte prestigjioze rezidenciale, turistike, industriale dhe komerciale, si Green Coast Resort & Residences, Vala Mar Residences, Rolling Hills Luxury Residences, etj. Balfin Development ka vendosur standardet e tregut duke përmirësuar ndjeshëm stilin e jetës në komunitet. Grupi BALFIN është një nga grupet e investimeve lider në rajonin e Ballkanit Perëndimor që mishëron standardet ndërkombëtare me ekspertizë vendase. I themeluar në vitin 1993 në Vjenë nga Samir Mane, sot Grupi është i pranishëm në 11 vende, Austri, Shqipëri, Kosovë, Bosnje dhe Hercegovinë, Maqedoninë e Veriut, Mal të Zi, Zvicër, Kroaci, Holandë, SHBA dhe Kanada. BALFIN, një grup i larmishëm, aktiv në pasuri të paluajtshme, shitje me shumicë dhe pakicë, sistemin bankar, menaxhim asetesh, turizëm, arsim dhe logjistikë, punëson rreth 5000 njerëz. Totali i Aseteve të Grupit (përfshirë institucionin financiar) është 2.2 miliardë euro, sipas të dhënave të vitit 2023. Pozicioni: Specialist i Raportimit Financiar Vendndodhja: Tiranë Përmbledhja e Pozicionit: Përgatit, analizon dhe kontrollon raportet financiare periodike të projekteve për menaxhimin, ortakët dhe palët e treta, duke përfshirë monitorimin e kostove të investimeve dhe të kostove operative, në përputhje me standardet kombëtare dhe ndërkombëtare të raportimit financiar. Detyrat dhe Përgjegjësitë Kryesore: Përgatitja dhe konsolidimi i të dhënave financiare të projekteve, duke siguruar saktësinë, plotësinë dhe përputhshmërinë me standardet kombëtare dhe ndërkombëtare të kontabilitetit dhe raportimit financiar; Koordinimi me ekipin e Kontabilitetit dhe Raportimit për të marrë dhe analizuar të dhënat financiare nga çdo projekt për qëllime raportimi; Sigurimi që të respektohen afatet dhe kërkesat ligjore për raportimin financiar për çdo projekt; Kryerja e analizave të të dhënave financiare të projektit për të identifikuar tendencat, devijimet dhe fushat e përmirësimit; Përgatitja e raporteve financiare dhe e treguesve kryesorë të performancës (KPI) për çdo projekt për të mbështetur proceset e vendimmarrjes dhe vlerësimin e performancës Përgatitja e raporteve të veçanta të menaxhimit, përfshirë analizën e buxhetit në krahasim me të realizuarin, shpjegime për devijimet dhe përmbledhje të performancës financiare; Mbështetja në përgatitjen e raporteve dhe prezantimeve për nivelin ekzekutiv lidhur me performancën financiare të projektit në tërësi (për qëllime të menaxhimit dhe të ortakëve); Mbështetja në përgatitjen e analizave, raporteve dhe prezantimeve për palë të treta (p.sh. shoqëri menaxhuese të disa prej projekteve), përfshirë koordinimin me këto subjekte për raportimin dhe monitorimin e treguesve kryesorë të performancës; Përdorimi i sistemeve financiare dhe i mjeteve të tjera të raportimit për të lehtësuar dhe automatizuar procesin e raportimit financiar; Identifikimi i mundësive për përmirësim të proceseve, përmirësim të integritetit të të dhënave dhe rritje të efikasitetit në raportimin financiar; Bashkëpunimi me ekipet e IT dhe kontraktorët e jashtëm për të optimizuar sistemet e raportimit financiar dhe siguruar saktësinë dhe integritetin e të dhënave Ndjekja e ndryshimeve në standardet e raportimit financiar, kërkesat e raportimit dhe praktikat më të mira të industrisë; Requirements Edukimi: Të zotërojë diplomë universitare në Financë, Kontabilitet Kualifikime të tjera: Të paktën 5 vite eksperiencë; Njohuri të forta të parimeve, koncepteve dhe standardeve (kombëtare dhe ndërkombëtare) të kontabilitetit (SKK dhe SNRF) për raportimin e saktë financiar; Aftësi në përgatitjen e pasqyrave financiare, duke përfshirë bilancet, pasqyrat e të ardhurave dhe shpenzimeve dhe pasqyrat e fluksit të parasë; Aftësia për të analizuar të dhënat financiare, për të identifikuar tendencat dhe për të ofruar njohuri për vendimmarrje; Orientim drejt detajeve për të siguruar saktësinë në raportimin financiar dhe pajtueshmërinë; Njohuri të softuerëve të kontabilitetit, sistemeve ERP dhe Excel-it (niveli i avancuar); Aftësi të mira komunikimi për të shpjeguar informacionin kompleks financiar para palëve të interesuara jofinanciare; Aftësia për të identifikuar dhe trajtuar çështjet e kontabilitetit dhe raportimit në kohën e duhur; Kuptimi i rregulloreve përkatëse dhe kërkesave të pajtueshmërisë, veçanërisht në industritë me standarde specifike raportimi; Standarde të larta etike, integritet dhe transparencë. Afati i aplikimit: 27/10/2026 Pas shqyrtimit do të kontaktohen vetëm kandidatët e përzgjedhur. *Të gjitha aplikimet do të trajtohen me konfidencialitet të plotë sipas ligjit Nr. 124/2024 vendosur nga Kuvendi i Shqipërisë për “Mbrojtjen e të Dhënave Personale”.